Hotelera iristerakoan bilera informatiboa eginen da materiala jasotzeko, zalantzak argitzeko eta abar.

Elizondotik abiatuko gara eta Beartzun aldera igotzen hasiko gara, handik, Erratzu aldera jaitsiko gara. Agoteen auzotik pasatu ondoren (Bozate) Itzulegiko leporaino igoko gara eta iparralden sartuko gara, Ainhoako herri ederrean etapari amaiera emateko.

Ainhoatik abiatuko gara Sarako herri aldera. Hemendik, Lizuniagako lepora igoko gara ondoren Nafarroako Bera herrira jaisteko.

Beratik abiatu eta oihanean zehar, Lesakaraino iritsiko gara. Herri eder honetatik, bertze herri polit batera joanen gara: Etxalarrera. Indarrak hartu ondotik, altuera hartuz joanen gara Bidasoako bide berdea hartu eta Donezteben etapa bukatzeko.

Hau izanen da ibilbide hontako etaparik motzena. Hasiera lasaia bada ere, Zigara ailegatzeko malda gogor bat igo beharko da. Hemendik, oihan ederretan zehar Gartzainera iritsiko gara eta bertatik Elizondoraino jaitsi.