Ederbidea zikloturismoa
Informazioa
Bidasoa eta Plazaolako Bide berdeak lotzen dituen ibilbide autogidatu zirkularra. Ibilbidean itsasoaz, mendiez, errekez, kulturaz eta gastronomiaz gozatuko duzu, baita Nafarroako herri txikietaz eta Gipuzkoako kostako Donostia edo Hondarribi bezalako herri politetaz ere. Zuek bizikletan ibiltzeaz gozatu, gu arduratuko gara gainontzeko guztiaz. Etorri nahi duzu?
Distantzia
200km
Zailtasuna
erdi-altua
Desnibela
2500m +
Etapak
4 etapa
Prezioa
4 etapa 500€-tik hasita
Etapak
Hotelera iristerakoan bilera informatiboa eginen da materiala jasotzeko, zalantzak argitzeko eta abar.
Nafarroako Malerreka bailarako bihotzetik abiatuko gara. Hemendik, “tren txikito” zenaren bidea jarraituz Bidasoa ibaiaren bukaera arte joanen gara. Ibilbide honetan menditik itsasora ailegatuko gara erreka ondotik doan bide erraz eta lasaia jarraituz. Bukatzeko, Hendaiako itsasontzi txikia hartu eta Hondarribira iritsiko gara.
Hondarribitik Jaizkibel aldera abiatuko gara, Higerreko itsasargi berezitik eta Guadalupeko baselizatik pasata. Pasaia Donibaneraino jarraituko dugu eta han Itsasontzi txiki bat hartuko dugu Trintxerpeko aldera joateko. Handik bide gorrietan barrena Donostiako bihotzera iritsiko gara.
Ibilbide honetan Nafarroako herri eta zonalde lasaietatik igaroko gara ibilbideko punturik altuenera iritsiz, Orokietako mendatea. Hemendik, beherantz joanen gara, paisaia eta bide ikusgarrietatik pasatuta, Donezteben ibilbidea amaitzeko.
